Trung tướng Phạm Trường Sơn, Kơ-iăng khua pơphô bruă ling tơhan mơnuih ƀôn sang Việt Nam nao jơnum hrŏm hăng jao miđai yôm phăn brơi kơ ling tơhan Đặc công bộ sông kơtang. Ngă tui gru grua mơng anom bruă sông kơtang, yak nao rơnuk phrâo, ling tơhan Đặc công bộ 198 lêng kơ gum pơgôp, mut hrŏm, pơjing anom bruă prong kơtang amăng kơđi čar, tơlơi pơmĭn, bruă mă, khul grup hăng ƀing apăn bruă.

Ƀing apăn bruă, ling tơhan lêng kjăp amăng tơlơi pơmĭn tui kơđi čar, hơdeč hmar, rơgơi, khin hơtai, akĕ phĭ tui hơnong pơkă bruă mă hăng jơlan gah pơplih phrâo mơng Ping gah. Đại tá Nguyễn Minh Mạnh, Khua ling tơhan Đặc công bộ 198 pơsit tong, ƀing apăn bruă, ling tơhan ƀơi anom bruă lêng kơ hluh rơđah bruă jao hăng ngă tui gru hơdip hiam klă mơng ling tơhan rơnuk wa Hô hăng gru grua mơng ling tơhan Đặc công sông kơtang, prap tŭ mă bruă jao hăng pơgiong djop mơta bruă jao.