VOV4.Jarai - Jơlan hơdră Khua dêh čar bưp, pơhiăp tom hăng kông ñơn mă bruă hăng anăn “Kông ñơn Việt Nam hăng tơlơi kơtưn pơđĭ kyar lŏn ia” amra pơphun amăng lơ 12/6 ƀơi tơring čar Bắc Giang. Anai jing tơlơi pơhing ƀơi mông jơnum yua Khul pơlir hơbit mơnuih mă bruă Việt Nam pơphun ƀơi Hà Nội. Ƀơi mông jơnum mă tơlơi pơhing, pơ ala kơ Khul pơlir hơbit mơnuih mă bruă Việt Nam brơi thâo: Jơlan hơdră Khua dêh čar bơbưp, pơhiăp tom hăng kông ñơn amra hơmâo 4.500 čô mơnuih mă bruă gum pơhmư̆ ƀơi tơring čar Bắc Giang hăng lăng mơng ataih amăng tivi ƀơi 63 boh tơring čar, ƀon prong. Anai jing mông jơnum kiăng mơnuih amăng khul mă bruă, kông ñơn pơbưp, pơdah tơlơi kiăng khăp, rơkâo đĭ hơdôm bruă bơdjơ̆ nao bruă mă, tơlơi hơdip hăng mơnuih ngă akŏ Kơnuk kơna ta. Khua dêh čar amra pơhmư̆, git gai pơsir hĭ hơdôm bruă mơnuih mă bruă rơkâo.

Siu H’Mai: Pơblang