VOV4.Jarai -  Tơlơi pôr pơthâo mơng Anom bruă khua git gai pơ ala mơnuih ƀon sang brơi thâo, tui hăng tơlơi him lăng hlâo Mông jơnum lok 7 mơng Jơnum min khua apăn bruă git gai pơ ala mơnuih ƀon sang amra pơphun mơng lơ 18 truh lơ 19/1/2022. Ƀơi mông jơnum anai, kơ bruă čih pơkra tơlơi phiăn, Jơnum min khua apăn bruă git gai pơ ala mơnuih ƀon sang sem lăng, pơgôp hiăp kơ bruă lăi pơthâo glăi, pơhmư̆ tui, pơkra ming tơlơi phiăn pơplông, apah bơni (pơplih pơkra); kiăng pơhrua tui Tơlơi pơtrun mơng Khua mua git gai pơ ala mơnuih ƀon sang kơ bruă ngă lăng hlâo hơbô̆ bruă pơphun bruă mă, ruah brơi mă bruă, pơtô bruă kơ ƀing mơnă gah rơngiao sang krư̆ amăng Jơlan hơdră čih pơkra tơlơi phiăn thun 2022; sem lăng, pơsit bruă mă yua sum ao buh lơ̆m phăt kơđi mơng Mơnuih phăt kơđi arăng iâu Hội thẩm nhân dân. Ăt ƀơi mông jơnum anai mơn, Jơnum min apăn bruă git gai pơ ala mơnuih ƀon sang dêh čar amra lăng glăi hơdôm tơlơi lăi pơthâo bruă hơduah tơña tơlơi kiăng khăp mơng mơnuih ƀon sang blan 12/2021 mơng Ƀirô khua git gai pơ ala mơnuih ƀon sang; kơčăo bruă dưm dăp mă bruă amăng lăm hăng mơnuih mă bruă sit nik mơng Anom bruă khua pơ ala mơnuih ƀon sang; pơgôp hiăp kơ bruă klah čun mông jơnum ƀu tui tơđar tal sa, Ƀirô khua git gai pơ ala mơnuih ƀon sang dêh čar tal 15.

Siu H’Mai: Pơblang