VOV4.Jarai - Amăng jơnum lok 16, Jơnum min apăn bruă Khua pơ ala mơnuih ƀon sang dêh čar pơgôp hiăp kơ bruă prap lui jơnum tal 4 Khua pơ ala mơnuih ƀon sang dêh čar. Jơnum min apăn bruă Khua pơ ala mơnuih ƀon sang dêh čar tŭ ư pơphun jơnum lok 4, Khua pơ ala mơnuih ƀon sang dêh čar tal 15 amra pơphun lơ 20/10 hăng pơđut hĭ tlam lơ 15/11. Jơnum amra pơphun amăng 21 hrơi hăng pran jua pơphun klă hloh, samơ̆ anăm ngă rơngiă hrơi mông hăng jơnum pơƀut amăng amăng abih tal jơnum ƀơi Ƀirô Khua pơ ala mơnuih ƀon sang dêh čar. Khua čih pioh, Khua anom bruă Ƀirô Khua pơ ala mơnuih ƀon sang dêh čar Bùi Văn Cường brơi thâo: him lăng Khua pơ ala mơnuih ƀon sang dêh čar amra pơphun mông tơña hăng lăi glăi amăng 2 hrơi ha mơkrah, mơng tlam lơ 3 truh lơ 5/11 hăng pơphun bruă ruah mơnuih apăn bruă mơng akŏ hrơi pơphun jơnum. Khua pơ ala mơnuih ƀon sang dêh čar ăt pioh 1 hrơi ha mơkrah pơčrông sai amăng Sang jơnum kơ bruă bơwih ƀong, mơnuih mơnam hăng prăk kak, ngăn drăp. Khua git gai pơ ala mơnuih ƀon sang dêh čar ơi Vương Đình Huệ brơi thâo: jơnum pơčrông sai kơ bruă bơwih ƀong huă mơnuih mơnam hăng čră n tơlơi phăn lŏn mơnai (čih pơkra glăi) amra jak iâu khua mua mơng 63 boh tơring čar, ƀôn prong nao jơnum, hmư̆ pơčrông sai hăng amra kah pha 2 wŏt. Jơnum min apăn bruă Khua pơ ala mơnuih ƀon sang dêh čar rơkâo anăm pơtah tai, kiăng ngă klă amăng bruă pơgang klin, pơhlôm rơnuk rơnua brơi Jơnum lok 4, Khua pơ ala mơnuih ƀon sang dêh čar tal 15.

VOV/Siu Đoan: Pơblang