VOV4.Jarai - Mơguah lơ 18/2, ƀơi Anom bôh thâo Kinh Bắc, plơi prong Bắc Ninh Ping gah tơring čar Bắc Ninh pơphun jơnum hăng mơnuih mă tơlơi pơhing phrâo lăi pơthâo hơdôm bruă mă hơdor glăi 190 thun hrơi pơdŏng hăng 25 thun hrơi pơdŏng glăi tơring čar. Tui hăng Grŭp pơphun bruă jơnum, mơng lơ 26/1 truh lơ 28/2 ƀơi plơi prong Bắc Ninh hăng hơdôm bôh tơring glông, plơi prong amăng tơring čar amra pơphun lu bruă pơdah hơdor glăi 190 thun hăng 25 thun hrơi pơdŏng glăi tơring čar Bắc Ninh. Biă ñu, mông ngă lơphet hơdor glăi amra pok phun amăng mơguah lơ 26/2/2022 hăng jơlan hơdră adôh suang hmâo anăn ñu “Bắc Ninh – Rơđah kual bôh thâo” amra pơdah glăi kơ Bắc Ninh – Kinh Bắc, sa kual lŏn đưm, bôh thâo đưm; hăng hmâo lu gru grua bôh thâo đưm, phiăn juăt hor hrăm hră hăng bruă ngă hơkrŭ. Ơi Ngô Văn Liên, Khua Grŭp pơtô bruă Ping gah tơring čar Bắc Ninh brơi thâo, tơdơi kơ 25 thun pơdŏng glăi, Bắc Ninh hmâo pơplih tañ laih, jing anih đĭ kyar kual plơi prong jưh jom hăng hơdôm bôh tơring čar gah Pơngŏ dêh čar, hrơi anai, Bắc Ninh phun ñu jing laih tơring čar mă bruă măi mok tui rơnuk phrâo hăng lu tơhnal pơkă bơwih ƀong, mơnuih mơnam dŏng amăng top phun mơng đơ đam dêh čar./.

Siu H’ Prăk: Pơblang