VOV4.Jarai - Tui hăng jơlan hơdră jơnum lok 3, Khua git gai pơ ala mơnuih ƀon sang tal 15, lơ 27/5, Khua mua pơ ala mơnuih ƀon sang dêh čar ngă bruă ƀơi Sang jơnum, bơkơtuai kơ hơdôm Tơlơi phiăn. Yang hrơi mơguah, ƀing khua pơ ala hmư̆ Khua ding jum wai lăng bruă Kơnuk kơna Phạm Thị Thanh Trà, tui tơlơi jao bruă mơng Khua dêh čar lăi pơthâo hơdrôm hră tơlơi phiăn mơnuih ƀon sang ngă pô. Tŏ tui, Khua Jơnum min tơlơi phiăn mơng Ƀirô khua git gai pơ ala mơnuih ƀon sang Hoàng Thanh Tùng lăi pơthâo glăo hơduah sem lăng, pơtŏng glăi tơlơi phiăn anai. Tơdơi kơ anun, Khua mua pơ ala mơnuih ƀon sang hmư̆ ding kơna Jơnum min apăn bruă pơ ala mơnuih ƀon sang dêh čar, Khua Jơnum min Mơnuih mơnam mơng Ƀirô khua git gai pơ ala mơnuih ƀon sang Nguyễn Thúy Anh lăi pơthâo Hră lăi glăi, pơhmư̆ tui, pơplih glăi tơlơi phiăn bơkơtưn, pơplông, apah bơni. Khua mua pơ ala mơnuih ƀon sang bơkơtuai bơi sang jơnum kơ hơdôm tơlơi aka ƀu djơ̆ hrŏm mơng tơlơi phiăn bơkơtưn ngă bruă, apah bơni.

Siu H’Mai: Pơblang