VOV4.Jarai - Tô̆ tui jơlan hơdră Jơnum khua pơ ala Khua git gai wai lăng pơ ala mơnuih ƀôn sang gơgrong bruă, lơ 29/3, ƀing khua pơ ala gum pơhiăp kơ rơwang bruă Tơlơi phiăn ngă phim (pơplih pơkra) hăng rơwang bruă Tơlơi phiăn bơwih ƀong sĭ mơdrô hmâo hră pơgang (pơplih pơkra).

Jơnum Khua pơ ala mơnuih ƀôn sang dêh čar gơgrong bruă gum pơhiăp kơ 2 rơwang bruă Tơlơi phiăn

Amăng anun, Phiăn ngă phim dưi pơplih pơkra glăi abih bang kiăng pơplih phrâo hơdră pơtrun, jơlan gah mơng Ping gah, Phiah phiăn thun 2013, pơdŏng bruă ngă phim Việt Nam juăt bruă, rơnuk phrâo, djă jă gru grua djuai ania djơ̆ hăng bruă bơwih ƀong sĭ mơdrô pơsit jơlan gah mơnuih mơnam djop mơnuih dưm kơnar hăng hmâo tơhnal djơ̆ hrom amăng glông bruă tơlơi phiăn, ngă tui ba glăi bôh tơhnal pơkôl amăng hơdôm rơwang tơlơi phiăn jar kơmar kơ bruă ngă phim hăng pơlar măi mok pơkra phim. Hơdôm bôh yôm dô̆ hmâo tơlơi gum pơhiăp pha ra mơng rơwang bruă tơlơi phiăn lĕ: Hơdră bruă mơng Kơnuk kơna kơ pơđĭ kyar bruă ngă phim, măi mok pơkra phim; Gơnam pioh kơ bruă ngă phim brơi kơ khul grŭp, mơnuih dêh čar tač rơngiao; Pơkra phim mă yua ngăn drăp kơnuk kơna; Lăi pơthâo phim amăng glông internet; hăng Keh prăk djru pơlar bruă ngă phim./.

Siu H’ Prăk: Pơblang