VOV4.Jarai-Ƀơi anăp kơ tơlơi pơhing lŏn pơpư̆ hơmâo na nao ƀơi tơring glông Kon Plong, tơring čar Kon Tum, lơ 26/4, Grup hyu mă bruă mơ̆ng Ding jum man pơdong hơmâo nao sem lăng pơ anih man pơdong kual lŏn pơpư̆ tơring glông Kon Plong hăng mă bruă hrom khua mua tơring čar Kon Tum. Hmư̆ tơlơi lăi pơthâo mơ̆ng tơring čar Kon Tum, tơlơi pơgôp hiăp hăng mrô rơnoh hlăk hơmâo, Kơ-iăng Khua ding jum Man pơdong ơi Lê Quang Hùng lăi lĕ, kiăng hơmâo tơhnal pơkă tong ten kơ lŏn pơpư̆, rơkâo Sang bruă kơsem min ia rơgơi Việt Nam, Anom kơsem min boh thâo ia rơgơi Ding jum man pơdong, pơphun dưm truă măi krăo lăng, pơkă hnong lŏn pơpư̆ kơñ pơgi.

Kơ-iang Khua ding jum Man pơdong ơi Lê Quang Hùng đĭ pơhiăp amăng mông mă bruă hăng khua mua Jơnum min

mơnuih ƀôn sang tơring čar Kon Tum

Hăng tơring čar Kon Tum lĕ, gong gai kơnuk kơna tơring čar khom tañ ngă giong hră pơar jŭ yap lăi pơthâo anŏ rơnuk rơnua mơ̆ng bơnư̆ kong laih anun hơmâo hơdră bong glăi tơlơi truh lŏn adai ngă; anăp nao pơtô brơi mơnuih ƀôn sang pơsir mă lu tơlơi či hơmâo, tơlơi truh tơdah lŏn pơpư̆ čư̆ mơgơi kơtang.

Nay Jek: Pơblang