Bruă lŏn tơhlŏm lơm hơjan hơdôm mông mơng mơmŏt lơ 28/6 ngă lŏn gah tơdư taluy glông giăm 20 met ƀơi jơlan kơčep mrô 36, jơlan Hoàng Hoa Thám, phường 10, plơi prong Đà Lạt tơhlŏm amăng mơguah giăm 2-3 mông lơ 29/6. Bruă lŏn tơhlŏm ngă kơ 2 boh sang pơtrut trun pơhmu hăng anih pơdong hlâo anun, lŏn tơhlŏm ngă dor lu mơnuih.

Tui ayong Lưu Xuân Đua, ană atâo pô rơngiă, 2 čô mơnuih lŏn dor lĕ dua rơkơi bơnai mơng tơring glông Phú Hoà, tơring čar Phú Yên, hrŏm hăng rơbêh 10 čô mơnuih pơkŏn mơng Phú Yên nao pơ Đà Lạt ngă kông nhơn man pơdong. Lơ̆m lŏn tơhlŏm, dŏ kơnong 2 čô mơnuih dŏ pit ƀơi anun. Rơbêh 10 čô pơkŏn dŏ glăi pơ anih man pơdong yua anun bưng băi huăi hơget ôh. Tơdơi kơ bruă anai, anom bruă bơdjơ̆ anai tơring čar Lâm Đồng ječ ameč nao tơl anih pơphun djru brơi mơnuih bưp tơlơi truh sat. Hơmâo 5 čô mơnuih arăng ba đuăi hmao tlôn hăng ba nao pơ sang ia jrao mơtăm.