Tui tơlơi pơhing mơng Jơnum min mơnuih ƀon sang tơring glông Tuy Đức, amăng mơguah lơ 6/8, amăng ƀut plơi 4, să Dak Buk So ƀuh lŏn đang prong mơng 5 cm truh 80 cm, glông 110 m. Glông lŏn đang ƀuh ƀơi anih dŏ hơdip kơ mơnuih ƀon sang, bơdjơ̆ nao 21 boh sang anŏ. Amăng anun, hơmâo 2 boh sang anŏ hơmâo gơnam gah tlôn sang glưh lơm lŏm tơhroh. 19 boh sang anŏ dŏ glăi ƀuh đang ƀơi pơnăng hăng rang sang.

Gong gai hăng anom bruă bơdjơ̆ nao tơring glông Tuy Đức hơmâo pel ĕp, sem lăng hơdôm răm rai, hlă kơƀang kiăng pơhŭi hlâo ƀơi anih hŭi rơhyưt. Laih dong pơkiăo nao mơnuih ba đuăi mơnuih ƀon sang. Yua anun, truh ră anai, amăng tơring glông Tuy Đức, 2 boh să giăm guai anun lĕ Dak Buk So hăng Quảng Trực ƀuh lŏn tơhroh, lŏn đang amra ngă răm rai gơnam tam kơ giăm 100 boh sang anŏ.