Rơđah biă ñu, rơnoh đĭ kyar GRDP him lăng hmâo 7,59%, pơhrui ngăn drăp kơnuk kơna hmâo 3.475 klai prăk, pơhrui hơnong ñu sa čô mơnuih giăm truh 60 klăk prăk; Mrô sang anô̆ ƀun rin hrŏ trun rơbêh kơ 3%. Pơphun amăng 3 hrơi, Khul pơ ala mơnuih ƀôn sang tơring čar Daknông amra pel ĕp, bơkơtuai hơdôm tơlơi lăi pơthâo glăi, hră lăi pơdah hăng 22 hră čih pơkra tơlơi pơtrun pơsit kơ hơdôm tơlơi yôm phăn mơng tơring čar.

Tal jơnum ăt pioh mơn mông tơña, lăi glăi tơlơi tơña ƀơi anăp hăng khua mua hơdôm Gơnong bruă: Kơčăo bruă – Tuh pơplai, Kông ngăn dlai tlô – Rơhuông adai lŏn mơnai, Bôh thâo bơkơjăp drơi jăn hăng tuai čuă ngui; Pơphun bơkơtuai amăng sang rông kiăng khua Jơnum min mơnuih ƀôn sang tơring čar hăng hơdôm gơnong bruă, anom bruă pơblang, ngă rơđah hơdôm tơlơi mơ̆ khua pơ ala, mơnuih ƀôn sang hăng mơnuih ƀôn lan đing nao./.