VOV4.Jarai - Pơphun mơguah lơ 7/7, ƀơi plơi prong Kon Tum, laih anun pơphun amăng 2 hrơi, Jơnum lok 3, Jơnum min pơ ala mơnuih ƀon sang tơring čar Kon Tum tal 12 hăng lu bruă hmư̆ hang amăng tơngiă hơmâo kư tri amăng tơring čar lăp đing nao hơmâo ƀing khua pơƀut bơkơtuai, tơña hăng pơsit brơi hơdôm tơlơi mơ̆ ƀing khua dưi pơsit. Lăi glăi tơlơi bơwih ƀong huă - mơnuih mơnam 6 blan akŏ thun mơng Jơnum  min mơnuih ƀon sang tơring čar Kon Tum ƀơi tal jơnum anai brơi ƀuh, mah mrô gơnam ƀơi tơring čar đĭ 9,69%, lu hloh rơnoh đĭ kyar thun hlâo, samơ̆ lu rơnoh pơkă tơlơi phiăn ƀu dưi ngă ôh pơhmu hăng tơlơi kiăng...

Hrŏm hăng hăng anun, hơmâo lu tơlơi ƀu djơ̆ aka ƀu dưi pơsir tañ jing pơgăn bruă đĭ kyar, kah hăng: pơkra gơnam mơng hmua pơhrui glăi aset; hlăt kman ƀong phun sâm Ngọc Linh ngă rơngiă prăk ƀơi lu sang anŏ; tơlơi pơplih bruă ngă hră pơ-ar, pơplih phrâo anih tuh pơ plai, sĭ mơdrô, pơđĭ tui tơlơi dưi bơkơtưn mơng tơring čar ăt dŏ kơƀah mơn....Pơhiăp ƀơi mông pơphun jơnum, ơi Dương Văn Trang, Ding kơna apăn bruă Ping gah, Khua git gai Ping gah tơring čar, Khua Jơnum min pơ ala mơnuih ƀon sang tơring čar Kon Tum kiăng ƀing khua pơƀut pơmin, hơmâo hơdră pơsir brơi tañ, ƀu pioh hơmâo tơlơi ƀu klă, tơlơi dŏ tơdu sui đơi ôh.

Siu H’Mai: Pơblang