Mơmŏt lơ 18/5, ƀơi tơdron lăk Ba Đình (Hà Nội), pơphun jơlan hơdră ngui adôh suang yôm phăn hăng anăn “Người là Hồ Chí Minh”, hăng tơlơi mut hrŏm mơng ƀing khua mua Ping gah, Kơnuk kơna. Jơlan hơdră hơmâo tlâo črăn: “Nguyễn Chung Sinh-Nguyễn Tất Thành” lăi nao thun blan pơjing pran hơdip; “Nguyễn Ái Quốc- Hồ Chí Minh” pơƀuh thun blan ĕp jơlan pơklaih rơngai lŏn ia, akŏ pơjing Ping gah črăn rơnuk pơpŭ tơlơi dưi mơng ngă hơkrŭ hăng rơwang pơplih phrâo, mut hrŏm.

Hơdôm tơlơi ngui adôh suang hơmâo prap lui hiam hloh, pơlir ngui adôh suang gru grua hrŏm hăng pơčrang apui kơđen 3D tui rơnuk phrâo, ba glăi tơlơi yôm phara, mơ-ak hloh. Mơng tơlơi ngui adôh suang hăng hơdôm tơlơi bơră ruai ol kơdol pran jua, jơlan hơdră pơpŭ bơni khua apăn akŏ rơgơi, mơnuih sông kơtang pơklaih rơngai lŏn ia, mơnuih kơhnâo kơhnăk; laih dong pơtô glăi gru grua ngă hơkrŭ, bruă mă mơng Hồ Chí Minh tơl abih bang mơnuih, sit biă ñu lĕ rơnuk hlăk ai.