Kông an hlăk tơña ƀing soh hơmâo mă pơkong laih anun hơduah ĕp mă dơ̆ng ƀing do glăi. Ră anai, tơhan kơnuk kơna ăt hyu suh ĕp, kiăo mă hơdôm ƀing dŏ glăi kiăng ba phat kơđi djơ̆ tơlơi phiăn kơnuk kơna. Hlâo kơ anun, krah mlam mơguah lơ 11/6, ƀơi tơring glông Čư̆ Kuin, hơmâo sa khul mơnuih djă phao kơtuang kơsung ngă sat ƀơi sang să Ea Tiêu hăng Ea Ktur, ngă kơ hơdôm čô kông an să, khua mua să hăng mơnuih djai laih anun rơka....

Tơdơi kơ hơmâo tơlơi anun, Ding jum kông an git gai kông an tơring čar Dak Lak, djop anom bruă ling tơhan blah ngă pok pơhai hyu ĕp mă ƀing ngă soh, djru pơklaih brơi mơnuih ƀôn sang gơñu mă pơkong ngă anŏ song mă. Ding jum kông an rơkâo mơnuih ƀôn sang hăng gong gai kơnuk kơna tơring glông Čư̆ Kuin khom hơđong pran jua, anăm rung răng bral hơngal ôh; ngă tui djơ̆ tơlơi pơtrun mơ̆ng khua mua apăn bruă pơ să hăng ling tơhan dŏ mă bruă pơčrâo brơi. Tơdah hlơi hơmâo tơlơi pơhing thâo krăn ƀing ngă soh anun, lăi pơthâo hăng anom bruă kông an anih giăm hloh. Hăng anom bruă tơlơi pơhing ăt khom pơđing hmư̆ tong ten, ruah mă tơlơi pơhing djơ̆ lăp hloh kiăng pôr tơpă, djơ̆ sit nik.