Boh tơhnal amăng mông jơnum, Kơ-iăng khua dêh čar ơi Lê Tiến Châu lăi pơtong anai lĕ jơlan hơdră djơ̆ lăp biă mă mơ̆ng Ding jum kơđi čar, Kơnuk kơna ngă tui hmao kru laih anun djop tơring čar pok pơhai ngă tui hăng pran jua glăm ba  tong ten.

Mă yua hơdôm sang hră đôm lăm  anai, kơnuk kơna čem rông ba hlâo kơnôl 5/9 lĕ sa bruă mă kơđi čar, ƀu kơdŭn pơ klôn ôh, djop ding jum, anom bruă ƀơi gơnong dlông hăng djop tơring čar, plơi pla pơdjơ̆ nao khomglăm ba bruă kơđi čar ĕp lăng hnơ̆ng man pơdong, rơnoh črăn bruă ngă giong, boh tŭ yua hiam, anŏ kơjăp mơ̆ng ring bruă anun. Djop tơring čar khom jŭ yap glăi abih bang djop bruă, pơhrua nao mơnuih mă bruă, ngă pơgiong djop črăn bruă kiăng ječ hloh kah hăng sang khua sang dŏ hăng mă bruă, anih pơtô hrăm, sang huă ƀong, anih juă glai, hrĕ apui yua, đing ia mơñum, bruă pơhlom hlâo apui ƀong sang hăng lu anŏ gêh găl pơkŏn či čơkă čơđai sang hră mut hrăm.