VOV4.Jarai-Hơdôm hrơi hăng anai, ƀơi Sang bruă lăng ba mơnuih mơnam tơnap tap Gia Lai, djop gưl anom bruă kơnuk kơna hrom hăng lu mơnuih hơmâo pran jua čơmah nao djru, ƀơk gơnam, juh alum ƀing ană arăng drit druai, tơnap tap čơkă Blan bơrơmi ria mơak klă. Ră anai, Anom bruă Pơgang ba mơnuih mơnam tơnap tơring čar Gia Lai hơmâo rông ba 140 čô mơnuih, amăng anun 54 čơđai drit druai, ană arăng lui raih ƀudah ƀu hơmâo anih kơnang, tơki.

Lu gơnam djru hơmâo jao truh kơ čơđai ƀơi sang bruă djru mơnuih mơnam tơnap tap Gia Lai

ƀrô djơ̆ tal mơak Blan bơrơmi

Hơdôm hrơi rơgao, lu mơnuih hơmâo pran jua čơmah djru prăk kăk blơi ƀañ, blơi gơnam djă ngui….pioh kơ ƀing čơđai čơkă Blan bơrơmi ria mơak klă hăng gơyut gơyâo. Yă Tạ Thị Anh Đào, Khua anom bruă brơi thâo: Djop gơnong bruă kơnuk kơna, khul mơnuih mơnam mut phung đing nao soh, lu sang bruă ƀơk gơnam kơ ƀing čơđai dri druai. Truh ră anai, hơmâo 8 grup nao ƀơk gơnam djru kơ ƀing ană amôn kiăng huăi hyiăl amăl, anit drơi jăn pô, ƀuh rơđah khul mơnuih mơnam djru hrom kiăng ană amôn mơak hơmâo mơnuih lăng ba.

Nay Jek: Pơblang