Pơphun mơng hrơi anai truh lơ 10/12, anai lĕ tal blung a bruă pơdă prưng Pơgang lŏn ia jar kơmar dưi pok phun ƀơi dêh čar ta. Tui kơčăo bruă, amăng mông ngă lơphet khul ling tơhan rơdêh por mơnuih ƀôn sang Việt Nam amra por pơdah brơi lăng čơkă mơ-ak bruă pơdă prưng. Bruă pơdah mơgăt rơdêh por hăng tơlơi gum hrom mơng ling tơhan rơdêh por bek hăng rơdêh por SU-30MK2 ƀơi rơnoh dlông ber amăng rơhuông adai ƀôn prong Hà Nội.

Sa amăng hơdôm pơdah mơgăt rơdêh por anun lĕ grŭp mơgăt rơdêh bek 2 bôh, 4 bôh dăp jing rŭp bôh truai pơkĕ hrom hăng grŭp mơgăt rơdêh por blah wang mơng Trung đoàn 927. Pha ra hăng hơdôm tal por đĭ hyu tir pơgang rơhuông adai Lŏn ia, tal anai, hơdôm rơdêh por por amăng krah rơhuông adai pơ̆ Hà Nội amra djă ba tơlơi ư-ang kơ pran kơtang hăng bôh thâo mơng Ling tơhan rơdêh por Việt Nam kiăng pơjing bruă pơdăh lăng lăp djă pioh hăng mơnuih ƀôn sang hăng gơyut gơyâu jar kơmar./.