Tơdơi kơ mông čơkă, dua čô Khua dêh čar hơmâo mông bơkơtuai, tŭ ư pơtrut djop mơta tơlơi rô nao rai dua bơnah. Khua dêh čar ơi Phạm Minh Chính lăi pơtong: Tal nao čuă anai yôm phăn biă mă, pok rai tơlơi yak nao phrâo amăng tơlơi rô nao rai ngă hrŏm djop mơta kơplah wah Việt Nam-Malaysia.

Dua bơnah ba tơbiă hơnong pơkă đĭ tui rơnoh sĭ mơdrô truh pơ 18 klai đôlar Mi amăng hơdôm thun pơ anăp, laih dong pơtrut ngă hrŏm djop mơta phrâo anun lĕ bơwih ƀong mrô, bơwih ƀong mơtah, pơplih yua apui lơtrik, pơplih pơčeh phrâo, ngă hmua rơgơi, wai pơgang amăng plang internet…Dua bơnah ăt ƀuăn kơtưn pơlir amăng bơwih brơi tuai čuă ngui, pơbưp nao rai mơnuih ƀôn sang, sit biă ñu lĕ ƀing hlăk ai, pok prong ngă hrŏm amăng pơtô pơjuăt, djru nao rai čơđai hrăm hră, mơng anun kơtưn thâo hluh tơdruă hăng pơlir hơbit kơplah wah dua boh dêh čar.