Yang hrơi dong lơ 15/6, ƀơi Ƀirô mă bruă, Khua git gai pơ ala mơnuih ƀon sang dêh čar ơi Vương Đình Huệ hơmâo nao lăng mông kĭ pơkôl gum hrŏm kơplah wah Khua čih pioh Ƀirô Khua pơ ala mơnuih ƀon sang dêh čar, khua anom bruă mơng Ƀirô hăng khul apăn bruă hơdôm bruă mơng Ƀirô, Khua hơdôm anom bruă gah jơnum min apăn bruă Khua pơ ala mơnuih ƀon sang dêh čar.

Mông kĭ pơkôl kiăng ngă tui jơlan hơdră bruă mă mơng Ping gah Khua pơ ala mơnuih ƀon sang kơ ngă tui tơlơi pơtrun Jơum Ping gah đơ đam dêh čar tal XIII hăng ngă tui pran gơgrong amăng git gai, wai lăng, pơhlôm gum hrŏm kjăp, tŭ yua, ha amăng plĕ, hmao tlôn hăng hrưn đĭ pran gơgrong amăng bruă gum hrŏm kơplah wah Khua čih pioh Ƀirô Khua pơ ala mơnuih ƀon sang, Khua anom bruă amăng ƀirô hăng khul apăn bruă Jơnum min djuai ania, Jơnum min mơng Ƀirô Khua pơ ala mơnuih ƀon sang, khua anom bruă gah Jơnum min apăn bruă Khua pơ ala mơnuih ƀon sang. Hrŏm hăng anun, hrưn đĭ pran gơgrong amăng bruă gum hrŏm, djru brơi rĭm boh anom bruă pơgiong bruă jao, tui tơlơi dưi mơng ƀing gơñu, pơgôp hrưn đĭ klă dong, tŭ yua bruă mă mơng rĭm boh anom bruă; laih dong, pơsit tong tơlơi gơgrong kơplah wah djop bơnah kiăng pơhlôm pơsir hĭ  bruă klă hloh, gơgrong, tŭ yua.