VOV4.Jarai - Mơguah (8/8), ƀơi Hà Nội, Ding jum pơtom hiăp Việt Nam pơphun mông dui đĭ hla kơ ƀrô tal hơdor glăi 55 thun hrơi akŏ pơjing kual ASEAN (8/8/1967 - 8/8/2022) hăng hơdor glăi 27 thun hrơi Việt Nam mut hrŏm ASEAN (28/7/1995 - 28/7/2022) Khua ding jum pơtom hiăp ơi Bùi Thanh Sơn git gai hăng đĭ pơhiăp amăng mông ngă lơphet.

Đĭ pơhiăm amăng mông ngă lơphet, Khua ding jum pơtom hiăp ơi Bùi Thanh Sơn pơsit tong, tơlơi rô nao rai kơplah wah ASEAN hăng hơdôm dêh čar ngă gŏp, hơmâo wŏt hơdôm dêh čar pơdrông asah amăng rŏng lŏn tơnah glăk jai hrơi pơđĭ kyar hloh hăng dơlăm tui dong yua kơ tơlơi dưi hrŏm. ASEAN ăt pơdah tơlơi gơgrong phun amăng kual hăng rŏng lŏn tơnah. Hơdôm tơlơi dưi anai ngă ƀu amuñ ôh, anai lĕ hơdôm boh than dưi ngă mơng hơdôm tơlơi gir run ƀu pơdơi mơng rĭm boh dêh čar amăng kual ASEAN hrŏm hăng tơlơi gum djru kơtang hloh hăng ngă hrŏm tŭ yua mơng hơdôm dêh čar amăng jar kmar. Việt Nam ăt lăng yôm hơdôm tơlơi gum pơgôp prong prin, tŭ yua tui hơdôm tơlơi ƀuăn hrŏm amăng kual ASEAN.

Siu Đoan: Pơblang