Tui hăng Khua Jơnum min djop djuai ania mơnuih mơnam dêh čar Việt Nam ơi Đỗ Văn Chiến, kiăng prăp lui kơ Tal jơnum lok 7, Khua pơ ala mơnuih ƀôn sang dêh čar ta tal 15, Grŭp Khua Jơnum min djop djuai ania mơnuih mơnam dêh čar Việt Nam hmâo mă laih 63/63 tơlơi lăi pơthâo glăi lăi nao tơlơi gum pơhiăp, rơkâo đĭ mơ̆ng mơnuih pơ ala mơnuih ƀôn sang hăng mơnuih ƀôn lan mơ̆ng Grŭp apăn bruă Jơnum min djop djuai ania mơnuih mơnam dêh čar Việt Nam hơdôm bôh tơring čar, ƀôn prong; 37/63 tơlơi lăi pơthâo mơ̆ng hơdôm grŭp khua pơ ala mơnuih ƀôn sang dêh čar; 23 mơta tơlơi lăi pơthâo glăi mơ̆ng hơdôm grŭp ding kơna; 16 mơta tơlơi gum pơhiăp, rơkâo đĭ mơ̆ng ƀing ding kơna Grŭp khua Jơnum min djop djuai ania mơnuih mơnam dêh čar Việt Nam, hăng abih bang mrô ñu 1.502 wot tơlơi gum pơhiăp.
Ơi Đỗ Văn Chiến lăi rơđah, mơnuih pơ ala mơnuih ƀôn sang hăng mơnuih ƀôn lan pơsit yôm bruă gơgrong kơdŏng pơgăn hưp ƀong kông ngăn, tơlơi ngă soh gah yŭ tơlơi git gai mơ̆ng Ping gah hmâo dong bôh tơhnal yôm phăn, abih bang, “lăi nao hrŏm hăng bruă mă”, sit nik ƀu hmâo kual kom, ƀu hmâo tơlơi pơkă gah rơngiao, khă pô hlơi ƀơi hơpă; hơdôm ƀirô apăn bruă ƀu kơnong kơ pơsir hmao tlôn, tơpă, hmâo bôh than ba truh, hmâo tơlơi pơsir hăng mơnuih ngă soh phiăn ôh mơ̆ dô̆ pơhrui glăi lu kông ngăn kơ Kơnuk kơna dong./.
Viết bình luận