Kơčăo bruă anai brơi ƀuh, mơ̆ng thun 2000 truh ră anai, kơnuk kơna tuh pơ alin man pơdong 16 boh anih kơsem min lăng ia rơgơi kơ bruă yom dêh čar, samơ̆ ring bruă anai aka jing atur anih kơsem min tong ten sa hnơ̆ng ôh yua tuh pơ alin raih daih, kơƀah tơlơi phiăn pơkă kơ bruă mă hăng tơlơi lir hơbit hăng djop sang bruă boh thâo ia rơgơi phrâo.

Ƀơi mông jơnum, djop ding jum, anom bruă rơkâo ngă rơđah hloh tơlơi phiăn pơkă, tơlơi mă bruă git gai wai lăng, prăk kăk, tơlơi pơtruh nao rai hruaih hăng djop sang bruă kơsem min kiăng huăi pơrơkua nao rai, ngă huač kông ngăn. Klah čun boh tơhnal pơčrong sai ƀơi mông jơnum, Kơ-iăng khua dêh čar ơi Hồ Quốc Dũng rơkâo Ding jum Boh thâo hăng ia rơgơi khom sem glăi djop tơhnal pơkă, bruă mă, pok pơhai, man pơdong djop anih anom lông ngă lăng sang bruă kơsem min boh thâo ia rơgơi phrâo kiăng ba yua tŭ yua hloh, bơwih brơi kơ bruă kơsem min boh thâo ia rơgơi, pơblih pơčeh phrâo ia rơgơi yom kơ bruă či ngă amăng dêh čar.