Tơdơi kơ mông čơkă, dua čô khua hơmâo pơphun pơčrông sai, Khua git gai pơ ala mơnuih ƀôn sang dêh čar ơi Trần Thanh Mẫn hok mơ-ak čơkă hăng pơsit tong, tal hyu čuă sit nik dêh čar tač rơngiao mơng ơi Sonexay Siphandone lơm ngă Khua git gai pơ ala mơnuih ƀôn sang dêh čar Lao amra pơgôp ngă hơkrŭ pran đăo gơnang bruă kơđi čar, kơtưn ngă hrŏm kơplah wah dua anom bruă čih pơkra tơlơi phiăn hăng pơtrut tơlơi rô nao rai giang mah hing ang, pran gum pơgôp yôm phăn, ngă hrŏm djop mơta, pơlir hơbit yôm phăn kơplah wah Việt Nam-Lao.

Lăi pơtong tơlơi ngă hrŏm amăng ƀirô khua pơ ala mơnuih ƀôn sang lĕ atur phun yôm amăng djop tơlơi rô nao rai Việt Nam-Lao, pơgôp tong ten amăng hơdôm hơdră, jơlan gah hăng tơlơi pơkôl mơng khua mua gưl prong mơng dua Ping gah, dua boh dêh čar, dua khua mua bơtŭ ư tŏ tui pơtrut kơtang bruă ngă hrŏm kơplah wah dua Ƀirô Khua pơ ala mơnuih ƀon sang dêh čar; kơtưn pơlăi nao rai tơlơi găn rơgao amăng pơjing, pơgiong bruă čih pơkra tơlơi phiăn, dưm dăp anih anom kơnuk kơna, bruă mă mơng gong gai ƀon lan, kah hăng bruă krăo lăng ngă tui hơdôm tơlơi pơkôl gưl prong hăng hơdôm jơlan hơdră, akŏ bruă akŏ phun kơplah wah dua kơnuk kơna.