Ră anai, Simexco Dak Lak lir hơbit hăng 65.000 hektar anih pla kơphê, ngă hrŏm 70.000 boh sang anŏ mơnuih ngă hmua pla kơphê, pơtrut bruă pla kơphê hơdjă rơgoh hơđong kơjăp, brơi ĕp ƀuh thâo kăn anih pla, sang bruă pơkra ming gơnam sĭ mơdrô tơpung kơphê jơman, tiu hiam.

Anai lĕ, atur pioh kơ sang bruă mơdrô kơtưn bruă pơhno, mut hrŏm tong ten hloh amăng ruai sĭ mơdrô nua yom ƀơi rŏng lŏn tơnah. Đĭ pơhiăp ƀơi mông jơnum, ơi Lương Nguyễn Minh Triết, Khua ping gah tơring čar Dak Lak, rơkâo phun kông ty Simexco 2-9 Dak lak ăt djă kơjăp tơlơi gơgrong ba nao hlâo, ba akŏ lu sang bruă mơdrô kơnuk kơna ngă pô; pơblih phrâo hơdră git gai wai lăng, pơđĭ tui boh tŭ yua ba yua prăk kơnuk kơna, pơtrut kơtang bruă pơkra ming tong ten, pơđĭ kyar anăn gơnam sĭ mơdrô kơphê Ƀuôn Ma Thuôt hăng pok prong anih anom sĭ mơdrô hăng jar kmar.