VOV4.Jarai - Lom lơ 26/5, Grŭp črâo ba bruă pơgang pơgăn ayuh hyiăng ƀu klă ngă dêh čar ta gum hrom hăng Ding jum wai lăng tơlơi pơhing hăng pôr pơhing, Khul mơnuih čih tơlơi pơhing Việt Nam pơphun ngă Lơphet jao pri čih tơlơi pơhing đơ đam dêh čar  kơ pơgang, pơgăn ayuh hyiăng ƀu klă ngă tal 2. Hăng anăn ñu “Yua kơ sa mơnuih mơnam pơhlôm ƀơi anăp ayuh hyiăng ƀu klă ngă – Gơgrong hlâo ngă juăt hăng pơplih ayuh hyiăng”, Pri čih tơlơi pơhing đơ đam dêh čar kơ Pơgang, pơgăn ayuh hyiăng ƀu klă ngă tal 2 hmâo ngă pơhư̆č tơlơi gum hrom mơng lu ƀirô pôr tơlơi pơhing hăng mơnuih čih tơlơi pơhing phrâo, dăp hơdră tơlơi pơhing mơng hơdôm ƀirô čih tơlơi pơhing mơng dêh čar truh plơi pla. Mơng rơbêh kơ 900 mơta tơlơi čih ƀơi 5 mơta djuai tơlơi čih, Grŭp pơphun bruă hmâo ruah laih 35 mơta tơlơi čih thâo hloh kiăng ƀơk pri amăng mông ngă lơphet amăng anun hmâo: 4 pri mrô sa, 5 pri mrô 2, 10 pri mrô 3, 15 pri pơtrut pơsur hăng 1 pri “Tơlơi bơdjơ̆ nao kơtang hloh”./.

Siu H’ Prăk: Pơblang