Amăng tơlơi pơđao pran jua tơhmit, Dăm phu dêh čar Brunei hăng bơnai ñu jak iâu Khua dêh čar Phạm Minh Chính hăng bơnai ñu đĭ hăng dlông dring čơkă tuai, gah yŭ khăn gru 2 bôh dêh čar, adôh tơlơi adôh kơkuh khăn gru Việt Nam hăng Brunei. Tơdơi kơ anun Dăm phu Brunei jak iâu Khua dêh čar Phạm Minh Chính rơbat găn anăp tơhan tŭ jum. Tơdơi kơ ngă lơphet čơkă jum, Khua dêh čar pioh mông nao čuă hăng ră ruai hăng ƀing apăn bruă, mơnuih mă bruă ƀơi Ƀirô anih jưh pơ ala hăng khul mơnuih Việt Nam ƀơi Brunei.

 Amăng lu bruă mă amăng lơ 11/2, Khua dêh čar nao čuă Sang hră đại học lŏn ia Brunei; bơkơtuai nao rai hăng Pơtao dêh čar, Bơnai ơi pơtao hăng ƀing ding kơna amăng sang ơi pơtao; Bơkơtuai hăng Pơtao dêh čar, lăng mông ngă lơphet kĭ pơkôl hră pơ-ar gum hrom; bơkơtuai hăng sa dua bôh anom bơwih ƀong apui yua ba jơlan hlâo mơng Brunei... Anai lĕ tal nao čuă blung a mơng Khua dêh čar ơi Phạm Minh Chính pơ̆ Brunei hăng sa čô apăn bruă phrâo kiăng pok pơhai dong jơlan pơtom hiăp mơ̆ Jơnum Ping gah dêh čar tal XIII ba tơbiă. Anun lĕ đing nao pơđĭ kyar tơlơi rô nao rai hăng hơdôm bôh dêh čar jum dar hăng ASEAN. Anai ăt lĕ tal nao čuă sit nik blung a mơng Khua dêh čar Việt Nam pơ̆ Brunei tơdơi giăm truh 16 thun./.