VOV4.Jarai - Mơguah lơ 23/2, ƀôn prong Hà Nội pơphun ngă Lơphet hơdor glăi 120 thun hrơi tơkeng ơi Nguyễn Phong Sắc (01/02/1902 – 01/02/2022). Pơđok amăng mông ngă lơphet, Khua git gai Ping gah ƀôn prong Hà Nội Đinh Tiến Dũng hmâo lok glăi laih tơlơi hơdip bruă ngă hơkrŭ mơng rơgom ơi Nguyễn Phong Sắc; lăi rơđah tơlơi truh kih mơng bruă Xô Viết Nghệ Tĩnh pơđôm pioh gru dơlăm mơng kual Trung Kỳ biă ñu lĕ bruă mă mơng Khua git gai Ping gah mơng Nguyễn Phong Sắc, jing bôh than pơdah bôh thâo git gai, pôr pơhing pơsur, tum pơƀut mơnuih ƀôn sang, iâu pơhrui khul grŭp pơphun bruă tơgŭ hơkrŭ mơng mơnuih ƀôn sang Nghệ Tĩnh tui tơlơi pơmin mơng Khua mir sir Hồ Chí Minh. Pơsăn drơi lom 29 thun, samơ̆ tơlơi hơdip hăng bruă ngă hơkrŭ ư-ang mơng ñu ăt dô̆ na nao mơn amăng gru grua ngă hơkrŭ mơng djuai ania./.

Siu H’ Prăk: Pơblang