VOV4.Jarai - Tal hơdor glăi 91 thun hrơi akŏ pơjing Khul hlăk ai rơnuk Hồ Chí Minh (26/3/1931 - 26/3/2022), hrơi pioh hơdor Jơnum khul hlăk ai djop gưl, anăp nao Jơnum Khul hlăk ai đơ đam dêh čar tal 12, mơguaih lơ (1/3), ƀơi Hà Nội, ngă lơphet pơphun Blan hlăk ai thun 2022 hăng anăn “Hlăk ai thâo pơčeh phrâo” yua kơ KHul hlăk ai rơnuk Hồ Chí Minh pơphun. Amăng mông pơphun, Khul hlăk ai rơnuk Hồ Chí Minh pơphun pơdă prưng tơlơi thâo pơčeh phrâo lĕ “Tơlơi thâo thăi mơng hlăk ai”, hăng hơdôm gơnam pơdă prưng mơng tơlơi pơčeh phrâo mơng hlăk ai, hơdôm boh thâo pơčeh pơkra pơjing gơnam măi mok pioh yua amăng pơtô pơblang, lăi pơthâo gru grua brơi hlăk ai čơđai anet…Laih dong pok “Glông kyâo hlăk ai”; nao čuă, ƀơk gơnam brơi amĭ Việt Nam sông kơtang hăng pơphun man pơdong sang nua 100 prăk ƀơi tơring glông Thạch Thất hăng plơi prong Sơn Tây. Abih tih rơnoh prăk mă yua amăng hơdôm bruă kiăng kơ ngă tui tơlơi pơphun Blan hlăk ai thun 2022 lĕ giăm 2 klai prăk.

Siu Đoan: Pơblang