Hră lăi pơthâo pơƀut glăi tơlơi pơgôp hiăp, tơlơi pơčrông sai amăng jơnum brơi ƀuh, hơdôm tơlơi pơgôp hiăp anai pơdah tơlơi hok mơ-ak ƀơi anăp tơlơi dưi prong mơng bruă pơplih phrâo lŏn ia, amăng anun hơmâo tơlơi pơgôp prong mơng pran gum pơgôp djop djuai ania. rơkâo tŏ tui sem lăng, ngă rơđah tơlơi gơgrong, tơlơi glăm ba mơng Jơnum min djop djuai ania mơnuih mơnam tui rơnuk anai, pơgôp ba lŏn ia yak nao rơnuk phrâo hăng ba tơbiă sa, dua hơdră bruă pơplih phrâo kiăng hrưn đĭ klă dong, ba glăi tŭ yua amăng bruă djop djuai ania mơnuih mơnam amăng rơwang pơ anăp.

Jơnum hơmâo ruah 397 čô mơnuih apăn bruă ngă ding kơna Jơnum min djop djuai ania mơnuih mơnam Việt Nam tal 10. Ơi Đỗ Văn Chiến, ding kơna Ding jum kơđi čar, Khua apăn bruă Ping gah, Khua Jơnum min djop djuai ania mơnuih mơnam Việt Nam tal 9 tŏ tui ngă Khua Jơnum min djop djuai ania mơnuih mơnam Việt Nam tal 10.