VOV4.Jarai-Tlam lơ 6/6, ƀơi anom bruă Ping gah dêh čar, Khua git gai ping gah dêh čar ơi Nguyễn Phú Trọng hơmâo bơkơtuai hăng Khua ping gah pơklaih rơngai dêh čar Mozambique Frelimo, Khua mir sir dêh čar Mozambique ơi Filipe Jacinto Nyusi lăng nao rai amăng tivi. Amăng mông bơ ră ruai hăng tơlơi mơak rơhmač tač giăng mah, gơyut gơyâo, Khua git gai Ping gah Frelimo, Khua mir sir dêh čar Mozambique lăng yôm bruă bơkơtuai anai, pơtrut bruă ngă pŭ ƀăn hiam mơak mơ̆ng dua bơnah ping gha, dua bơnah dêh čar.

Khua git gai ping gah dêh čar ta ơi Nguyễn Phú Trọng lăi pơtong, dêh čar Mozambique lĕ sa amăng hơdôm boh dêh čar Việt Nam đing nao pơtrut ngă giăng mah hăng kual ơi jŭ. Khua git gai dua bơnah ping gah tŭ ư pơtrut ngă giăng mah tong ten kơplah wah ping gah Việt Nam hăng ping gah Frelimo dêh čar Mozambique bong kjăp tơlơi gơgrong ba amăng bruă pơđĭ kyar lu mơta mơ̆ng dua bơnah jai hrơi tŭ yua hăng ba glăi tŭ yua hiam klă; mă yua djơ̆ tơlơi gêh găl hăng tơlơi kơtang mơ̆ng hơdôm bơnah pơtrut amăng bruă kơđi čar-pơtom hiăp, bơwih ƀong huă, sĭ mơdrô, pơgang rơnuk rơnua dêh čar, pơtô hrăm, tuai čuă ngui, gru grua thâo thăi hăng pơtom hiăp mơnuih ƀôn sang…

Nay Jek: Pơblang