Pơhiăp ƀơi mông jơnum pok thun hrăm phrâo, ơi Nguyễn Trọng Nghĩa rơkâo, Sang hră Đại học Bách khoa Hà Nội, kiăng thâo hluh dơlăm hăng pơtô brơi djop tơlơi pơmin, anŏ kiăng jơlan hơdră pơčrâo ba mơ̆ng ping gah kơ bruă pơtô hrăm, kơsem min boh thâo ia rơgơi, pơčeh phrâo ba yua mrô. Pơđĭ tui tơlơi gơgrong ba mơ̆ng abih bang amăng bruă mă pơtô hrăm mơnuih mă bruă kiăng thâo rơgơi.

Pơtô ba bruă kơsem min ia rơgơi tơlơi kơhnâo amăng djop bruă, kiăng ngă djơ̆ hăng tơlơi pơđĭ kyar hmar, hơđong kjăp kơ lŏn ia. Laih dơ̆ng, djru pơgôp hrŏm amăng bruă pơđĭ kyar bơwih ƀong huă mơnuih mơnam hăng pơhlôm pơgang tơlơi rơnuk rơnua dêh čar, hơđong amăng kual lŏn mơnai ia krông Hồng truh thun 2030, lăng nao pơ anăp adih truh thun 2045.