Ơi Nguyễn Tuấn Anh hơmâo ruah ngă Kơ-iăng khua jơnum min mơnuih ƀôn sang tơring čar Gia Lai
Thứ ba, 13:55, 20/02/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Lơ 19/2, Jơnum min pơ ala mơnuih ƀôn sang tơring čar Gia Lai tal 12 hơmâo ruah ơi Nguyễn Tuấn Anh, khua hơđăp anom bruă pơkra măi mok (Jơnum min wai lăng prăk kơnuk kơna ƀơi anom bơwih ƀong) ngă Kơ-iăng khua jơnum min mơnuih ƀôn sang tơring čar Gia Lai.
Ơi Nguyễn Tuấn Anh, 41 thun, plơi pla pơ Quảng Ngãi, hrăm Tiến sĩ, gah bruă prăk kăk - sang bruă prăk. Hlâo kơ anun lơ 3/2, Khua mua ping gah hơmâo tơlơi pơsit ruah ơi Nguyễn Tuấn Anh mut amăng Khul apăn bruă git gai Ping gah, Khul gum bruă Ping gah tơring čar Gia Lai.
Ƀơi mông jơnum Jơnum min pơ ala mơnuih ƀôn sang tơring čar Gia Lai mơguah lơ 19/2, hơmâo ruah ơi Nguyễn Tuấn Anh ngă Kơ-iăng khua jơnum min mơnuih ƀôn sang tơring čar Gia Lai. Ră anai Jơnum min mơnuih ƀôn sang tơring čar Gia Lai hơmâo 4 čô Kơ-iăng, hơmâo: ơi Nguyễn Tuấn Anh, ơi Nguyễn Hữu Quế, Dương Mah Tiệp hăng yă Nguyễn Thị Thanh Lịch.
Viết bình luận