Ơi Phạm Minh Tuấn ngă Kơ-iăng khua dăp hơdră pơhing, gơgrong wai lăng Hră pơhing Cộng sản
Thứ tư, 11:10, 19/04/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah lơ 18/4, ƀơi Hà Nội, Anom dăp hră pơhing Cộng sản pơphun Jơnum lăi pơthâo tơlơi Pơsit mơng Khul khua git gai Ping gah kơ ruah mơnuih ngă khua.
Tui anun, Khul gum bruă git gai Ping gah pơsit brơi ơi Phạm Minh Tuấn pơdơi ngă Khua - Khua phun dăp hơdră Hră pơhing kơđi čar dêh čar Tơlơi sit; ruah ơi Phạm Minh Tuấn ngă Kơ-iăng khua dăp hơdră, gơgrong wai lăng Hră pơhing Cộng sản.
Brơi hră pơsit mơng Khul gum bruă git gai Ping gah kơ ơi Phạm Minh Tuấn, Kơ-iăng khua anom pơphun bruă Ping gah dêh čar Mai Văn Chính brơi thâo, Khua mua git gai Ping gah hơmâo pơsit jao bruă kơ ơi Phạm Minh Tuấn, anai jing bruă phrâo, tơnap ƀơi anom bruă čih hră pơhing kơđi čar mơng Khul khua apăn bruă git gai Ping gah dêh čar, anih pơdah tơlơi pơmin, jơlan hơdră ngă bruă mơng Ping gah, khŏm kiăng ơi Phạm Minh Tuấn gir run abih pran jua djơ̆ hăng bruă hơmâo jao.
Viết bình luận