Ƀrô tal hơdor glăi 76 thun hrơi tơhan rơka-tơhan djai pơsăn drơi, amăng hơdôm hrơi nao čuă hăng mă bruă ƀơi tơring čar Dak Lak, mơguah lơ 24/7, ơi Phan Đình Trạc, Khua anom bruă pơgăn hưp ƀong kông ngăn hrŏm hăng grup hyu mă bruă hơmâo nao hơ-ŭ hơdor ƀơi pơsat tơhan djai pơsăn drơi tơring čar hăng nao tơña blan, pơ alum pran jua sang anŏ tơhan djai pơsăn drơi lơm glăk mă bruă ƀơi Čư̆ Kuin, tơring čar Dak Lak.

Ƀơi sang anŏ tơhan djai pơsăn drơi, grup hyu mă bruă hơmâo tŭi ñang hơ-ŭ hơdor ƀing apăn bruă, tơhan djai pơsăn drơi kiăng wai pơgang hơđong tơlơi hơdip mơnuih ƀon sang; nao tơña bla, pơ alum pran jua hăng mơ-it nao tơlơi hning rơngŏt hrŏm sang anŏ ƀing tơhan djai pơsăn drơi.

Pơ alum pran jua ƀing apăn bruă, tơhan tuh drah pơčah asar, ơi Phan Đình Trạc, Khua anom bruă pơgăn hưp ƀong kông ngăn pơsit tong, Ping gah, Kơnuk kơna lêng kơ đing nao, ngă tui klă hơdôm hơdră djru brơi ƀing apăn bruă, ling tơhan djai pơsăn drơi; hơmâo lu bruă mă kiăng pơ alum pran jua sang anŏ tơhan djai pơsăn drơi găn rơgao hơdôm tơlơi hning rơngŏt.