Amăng mông jơnum, ơi Hồ Văn Niên, Khua git gai Ping gah tơring čar Gia Lai hmâo jao laih Tơlơi pơsit mơ̆ng Grŭp apăn bruă Ping gah tơring čar hăng ƀơk bơnga hơ-ưč hmưi ơi Rahlan Chung. Ơi Rahlan Chung – Kơ-iăng Khua git gai Ping gah tơring čar, Khua Jơnum min mơnuih ƀôn sang tơring čar Gia Lai rơwang bruă 2021-2026.

Hlâo kơ anun, lơ 27/8, ƀơi Tal jơnum mơ̆ng Khul khua pơ ala mơnuih ƀôn sang tơring čar Gia Lai, ơi Rahlan Chung dưi ruah ngă Khua Jơnum min mơnuih ƀôn sang tơring čar Gia Lai. Ơi Rahlan Chung, 53 thun, djuai ania Jarai, plơi pla pơ̆ tơring kual Čư̆ Prông, tơring glông Čư̆ Prông, tơring čar Gia Lai. Lơm dô̆ mă bruă, ñu hmâo gơgrong lu bruă apăn yôm phăn ƀơi tơring glông Čư̆ Pah hăng tơring čar Gia Lai. Hlâo kơ anun ñu dưi ruah ngă Khua jơnum min mơnuih ƀôn sang tơring čar, ơi Chung ngă Kơ-iăng Khua git gai Ping gah tơring čar./.