Tlam lơ 11/6, Ping gah tơring čar Khánh Hòa pơphun jơnum lăi pơthâo hơdôm tơlơi pơtrun kơ bruă ruah mơnuih apăn bruă. Tui anun, ơi Tạ Hồng Quang, Ding kơna Ping gah tơring čar, Khua git gai Ping gah, Khua Jơnum min pơ ala mơnuih ƀôn sang phương Nha Trang hơmâo ruah ngă Khua khul djru brơi Ping gah tơring čar Khánh Hòa.

Đĭ pơhiăp amăng mông jao bruă, ơi Hồ Xuân Trường, kơ-iăng Khua git gai Ping gah tơring čar Khánh Hòa brơi thâo, bruă ruah khua khul djru bruă Ping gah tơring čar kiăng lăp djơ̆ hăng tơlơi rơkâo git gai bruă djru ba, pơgang, pơgăn hưp ƀong kông ngăn, huač pơrai kông ngăn, bruă ngă soh hăng pơplih pơkra phiah phiăn amăng rơwang phrâo. Kơ-iăng Khua git gai Ping gah tơring čar Khánh Hòa rơkâo ơi Tạ Hồng Quang tañ pơphun mă bruă, ngă tui pran ngă bruă kơđi čar, hrưn đĭ tŭ yua gum hrŏm kơplah wah hơdôm anom bruă, anih anom bơdjơ̆ nao kiăng pơgiong klă bruă jao.