Khua git gai ping gah ơi Tô Lâm lăi pơtong: kiăng pơđĭ tui hăng boh tŭ yua lu hloh git gai ngă tui bruă mă 6 blan rơnuč thun 2025, Hră pơtrun ping gah dêh čar pơtum git gai, pơčrâo bruă ngă tui klă 3 bruă mă phun yom, 3 bruă khom ngă tui khut khăt, ngă klă bruă prăp lui hăng pơphun tŭ yua Jơnum ruah khua ping gah ling tơhan tal XII; ngă hrŏm hăng bruă mă glăm ba prong hloh bơwih brơi jơnum ruah khua ping gah dêh čar tal XIV; pơčrâo bruă pok pơhai dăp glăi glông bruă gah ling tơhan plơi pla djơ̆ găl hăng glông bruă gong gai kơnuk kơna tơring čar 2 gưl. Laih dơ̆ng git gai pơčrâo bruă brơi pơđĭ tui tơlơi thâo pơƀuh, lăi lui hlâo, kơsem min, thâo krăn tong ten, pơtong rơđah tơlơi pơhing, hmao kru lăi pơthâo hăng Ping gah, kơnuk kơna jơlan hơdră, tơlơi pơtrun mă bruă pơhlom klă hloh boh tŭ yua kơ dêh čar-djuai ania, pơgang kơjăp tơlơi rơngai ngă pô, pơlir truh kih, hlom bom guai dêh čar.