VOV4.Jarai-Mơguah lơ 17/1, Kơ-iăng Khua git gai pơ ala mơnuih ƀôn sang dêh čar ơi Trần Thanh Mẫn ba jơlan hlâo grup khua mua pơ ala mơnuih ƀôn sang dêh čar, nao dưm guang bơnga čuh ñang h’ŭ kơ Khua tơhan krên dên ơi Võ Nguyên Giáp ƀrô čơkă thun phrâo Nhâm Dần 2022. Ơi Trần Thanh Mẫn hrom hăng khua mua nao čuh ñang pơdah pran jua pơpŭ luă gŭ ƀơi anăp bơngăt atâo but pơsat Khua tơhan krên dên Võ Nguyễn Giáp-Mơnuih khin hơtai, ayong kơčua tơhan mơnuih ƀôn sang Việt Nam, mơnuih sông kơtang hing ang kơ djuai ania Việt Nam; h’ŭ pran jua, hơdor tơngia prong prin kơ khua tơhan krên dên hơmâo pơyơr pran jua pô, bruă ngă hơkrŭ hmư̆ hing yua Ping gah hăng kơnuk kơna laih anun mơnuih ƀôn sang Việt Nam.

Hăng ling tơhan mơnuih ƀôn sang Việt Nam, Khua tơhan krên dên ơi Võ Nguyên Giáp lĕ khua tơhan dlông hloh, prong hloh, akŏ pơjing rai ling tơhan hing ang kơtang, blah ngă, djru sa črăn ba truh tơlơi blah dưi hĭ hăng ayăt soh sat sua lŏn ia anun lĕ ayăt Prang hăng ayăt Mi.

Nay Jek: Pơblang