Pơtong glăi bruă mă aka dưi ngă, dŏ kơƀah, pơsir hĭ kiăng ngă klă hloh amăng thun blan pơ anăp. Brơi thâo rơđah, thun blan dŏ glăi, ƀing pơ ala mơnuih ƀôn sang dêh čar amra jơnum 3 wơ̆t lok hăng sa wơ̆t jơnum lok pơƀut glăi bruă mă amăng sa rơwang bruă tal 15, khua git gai pơ ala mơnuih ƀôn sang ơi Trần Thanh Mẫn brơi thâo, anai lĕ bruă mă prong biă mă.

Yua kơ anun, Khua git gai pơ ala mơnuih ƀôn sang dêh čar pơtrun hiăp, Khul wai lăng djuai ania, djop jơnum min gah anom bruă pơ ala mơnuih ƀôn sang khom ngă tui khut khăt kiăng giong bruă jao. Biă mă ñu thun 2025, lŏn ia ta hơmâo lu bruă mă jơnum pơprong kah hăng: Hơdor glăi 80 thun hrơi Hơkrŭ blan čơpăn hăng Hrơi akŏ pơdong kơnuk kơna lŏn ia lơ 2/9; 50 thun hrơi pơklaih rơngai kual Dơnung, lŏn ia pơlir jing sa; bruă mă prăp lui ruah khua pơ ala mơnuih ƀôn sang tal 16 hăng khua pơ ala mơnuih ƀôn sang djop gưl rơwang bruă thun 2026-2031. Thun 2026, ƀing pơ ala mơnuih ƀôn sang dêh čar hơdor glăi tal 80 thun hrơi pơphun ruah khua pơ ala mơnuih ƀôn sang Việt Nam blung a.