Pơhiăp đĭ ƀơi mông mă bruă hăng anom bruă man pơkra tơdơi kơ nao ĕp lăng sit nik, ơi Trần Thanh Mẫn, Khua git gai pơ ala mơnuih ƀôn sang dêh čar lăi rơđah, Tơdron rơdêh por prong Jar kmar Long Thành lĕ, kơčăo bruă yôm phara biă mă, dưi hơmâo Khua mua ping gah, kơnuk kơna đing nao hloh. Anai lĕ kơčăo bruă tŭ yua prong prin hăng bruă pơđĭ kyar bơwih ƀong huă-mơnuih mơnam, pơgang rơnuk rơnua dêh čar ƀơi tơring čar Đồng Nai, Kual bơwih ƀong huă phun gah dơnung hăng amăng dêh čar, him lăng ba glăi năng ai 200.000 rơbâo bruă mă.

Tơdron rơdêh por Jar kmar Long Thành, truh ră anai, hơmâo ngă giong črăn bruă hrip ĕp hăng toh boh ƀôm, min pơtum dŏ đôm amăng gŭ lŏn, čuk pơdăo, man pơkra war pơgang jum dar; hlăk pok pơhai man pơdong sang pơmut rơdêh por hăng anih tuai dŏ, jơlan rơdêh por plĕ trun, por đĭ, Jơlan mrô 1 pơtruh nao rai jơlan prong mrô 51 hăng 03 črăn bruă man pơdong phun. Hơdôm črăn bruă dŏ ngă lêng kơ djơ̆ hnơ̆ng pơkă soh.