VOV4.Jarai - Tlam lơ 6/5, ƀơi Sang bruă git gai pơ ala mơnuih ƀon sang, Jơnum min pơtom hiăp hăng tač rơngiao ngă hrŏm hăng Anom djru bruă khua pơ ala mơnuih ƀon sang gah Jơnum min apăn bruă git gai pơ ala mơnuih ƀon sang dêh čar, Anom bruă Khua git gai pơ ala mơnuih ƀon sang, Anom bruă Khul giăng mah Việt Nam hăng Sang anih jưh pơ ala Hàn Quốc ƀơi Việt Nam pơphun ngă lơphet hrơi Miđai Quang Hoa mơng Kơnuk kơna Hàn Quốc brơi kơ Khua hơđăp Anom djru bruă khua pơ ala mơnuih ƀon sang, Khua grup giăng mah Việt Nam - Hàn Quốc Trần Văn Túy.

Ding kơna ding jum kơđi čar, Kơ-iăng khua git gai pơ ala mơnuih ƀon sang dêh čar Trần Thanh Mẫn hơmâo nao pơhmư̆ tom. Mă Miđai Quang Hoa mơng Kơnuk kơna Hàn Quốc, ơi Trần Văn Túy bơni kơ Khua mua pơ ala mơnuih ƀon sang hăng Kơnuk kơna Hàn Quốc hơmâo tŭ yap hơdôm tơlơi gir run pơtrut tui tơlơi rô nao rai mơng khua mua pơ ala mơnuih ƀon sang dua bơnah; laih dong, bơni kơ pran jua dăo gơnang, ƀu-eng nao rai, mă bruă kơjăp hăng tŭ yua mơng Khul khua pơ ala tơlơi rô nai rai jê̆ giăm Hàn Quốc - Việt Nam hăng Khul khua pơ ala tơlơi rô nao rai jê̆ giăm Việt Nam - Hàn Quốc.

Siu H’Mai: Pơblang