Tal nao čuă dêh čar Senegal sa bruă ngă yom biă mă hơdor pioh gru phun, jing tal nao čuă mơ̆ng sa čô khua prong hloh mơ̆ng hlâo truh ră anai giăm 60 thun laih rơgao nao pơ Senegal. Anai lĕ yak ngă bruă yom biă mă lơ̆m bruă giăng mah pŭ ƀăn dua bơnah, pơphun amăng hrơi mông dêh čar Senegal sa amăng hơdôm dêh čar pơđĭ kyar hmar hloh amăng kual yŭ Ơi jŭ.

Tal nao čuă anai kiăng pơtrut bruă ngă hrŏm dua bơnah sang bruă khua pơ ala mơnuih ƀôn sang dêh čar tong ten, dơlăm hloh, laih dơ̆ng pok prong bruă ngă hrŏm amăng lu bruă mă kah hăng bơwih ƀong huă, pơrơguăt drơi jăn, ngă hmua hăng ngă hrŏm djop tơring čar. Lu tơlơi pơkôl pơkă ngă hrŏm dŏ čang rơmang biă mă amra kĭ pơkôl amăng tal nao čuă jơmư anai, kiăng ngă atur kơ tơlơi ngă giăng mah Việt Nam-Senegal pơđĭ kyar kơtang hloh thun blan pơ anăp.