Pơhiăp amăng mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn bơni, čih pioh, lăng yôm tơlơi gir run, bruă ngă tŭ yua hăng boh tơhnal hơmâo ba glăi mơ̆ng Khul mơnuih ngă hmua Việt Nam, bruă ngă mơ̆ng rim čô mơnuih apăn bruă, ding kơna amăng khul mơnuih ngă hmua, anom bruă ngă hrŏm gah bruă ngă hmua amăng dêh čar, biă mă ñu 63 čô mơnuih, 63 boh anom bruă dưi pơpŭ amăng mông jơnum tal anai.

Hăng rim čô mơnuih, khul grup anom bruă dưi pơpŭ, Khua git gai pơ ala mơnuih ƀôn sang dêh čar pơtă pơtăn, kiăng djă bong bruă nao hlâo hloh amăng bruă lir hơbit, ngă hrŏm ngă hmua, pơkra ming sĭ mơdrô; ăt gir run pơyơr pran jua mă bruă, tơlơi pơmin ia rơgơi, pơtô glăi tơlơi thâo thăi, tơlơi djru ba hăng mơnuih pơkŏn, anom bruă ngă hrŏm amăng plơi pla, kiăng hơmâo lu mơnuih ngă hmua hrưn đĭ ngă pơdrong lăp djơ̆, lu anom bruă ngă hmua tŭ yua, kiăng hrŏm hơbit ngă tui djơ̆ tơhnal pơkă pơhrŏ ƀun rin hơđong kjăp, man pơdong plơi pla phrâo.