Pơhiăp ƀơi mông jơnum bơkơtuai, Khua git gai pơ ala mơnuih ƀôn sang dêh čar dua bơnah lăi pok prong bruă ngă hrŏm gah ia jâo hăng apui yua laih anun boh thâo ia rơgơi pơgang ayuh hyiăng hơdjă rơgoh. Việt Nam hlăk pơtrut tañ bruă pơblih apui yua hơdjă, pơđĭ kyar pơkra ming apui yua rơgoh. Dêh čar Uzbekistan hăng anih hơmâo ia jâo lu amăng lŏn glai laih anun bruă pơkra ming ia jâo hăng apui yua hơdjă lĕ gêh găl, amuñ biă ngă gơ̆p sĭ mơdrô laih anun kah pơpha nao rai tơlơi thâo thăi tom găn rơgao amăng bruă mă tuh pơ alin gah bruă apui yua hơdjă.

Ƀing ngă bruă sĭ mơdrô dua bơnah dêh čar amra pơtruh nao rai, hyu ĕp lăng, kah pơpha tơlơi pơhing pioh dăp hơdră, ngă hrŏm tuh pơ alin tŭ yua, laih dơ̆ng djru ĕp anih anom sĭ mơdrô ăt kah hăng pok anih anom sĭ mơdrô amăng kual ASEAN hăng kual Trung Á hơmâo lu anŏ gêh găl amăng lŏn mơnai glai klô prong.