VOV4.Jarai-Mơguah lơ 5/7, tom brơi ƀơi Sang bruă khua pơ ala mơnuih ƀôn sang dêh čar, ơi Trần Thanh Mẫn, Kơ-iăng Khua git gai pơ ala mơnuih ƀôn sang dêh čar ta tŭ jum grup khua mua pơ ala mơnuih ƀôn sang gah gơnong dlông dêh čar Indonesia, yua kơ yă Sylviana Murin, Khua jơnum min ngă hrom mơ̆ng Gơnong dlông ba jơlan hlâo rai čuă jơmư hăng mă bruă ƀơi Việt Nam. Ơi Trần Thanh Mẫn, Kơ-iăng Khua git gai pơ ala mơnuih ƀôn sang dêh čar ta lăng yôm tal rai čuă jơmư anai, mơ̆ng yă Silviana Murin hăng grup khua mua pơ ala mơnuih ƀôn sang dêh čar Indonesia, lăi pơtong, Việt Nam lăng yôm hăng čang rơmang pơđĭ kyar hloh dơ̆ng bruă ngă giăng mah gơyut hăng Indonesia.

Thun 2023 pơ anăp jing thun hơdor pioh krep 10 thun dua bơnah dêh čar pơsit bruă ngă giăng mah rô nao rai yôm phara. Yua kơ anun, hrơi blan pơ anăp dua bơnah kiăng ngă hrom kjăp hloh ba tơlơi ngă giăng mah dua bơnah đĭ amăng hơdră phrâo, biă mă ñu pơtruh nao rai tơlơi pơhing dua bơnah khua pơ ala kiăng lăp hăng anŏ ngă hrom yôm phara mơ̆ng dua bơnah.

Nay Jek: Pơblang