Amăng tal rai jơnum hrŏm khua mua pơ ala mơnuih ƀôn sang djop dêh čar pơhiăp tơlơi Prang, pơčrong sai bruă ngă hmua pla pơjing, pơhlôm hơđong mơnong ƀong huă laih anun bong glăi anŏ răm ƀăm ayuh hyiăng pơblih laih anun jơnum khul khua mua apăn bruă pơ ala mơnuih ƀôn sang djop dêh čar pơhiăp tơlơi Prang (APF), tlam lơ 22/1, ƀơi ƀôn prong Cần Thơ, ơi Trần Thanh Mẫn, Khua git gai pơ ala mơnuih ƀôn sang dêh čar ta hơmâo tŭ jum kơ-iăng khua pơ ala mơnuih ƀôn sang gơnong dlông dêh čar Kur, Ouch Borithp. Ơ

Ơi Trần Thanh Mẫn lăi pơtong, Việt Nam lăng yom, đing nao hlâo hloh bruă ngă kơjăp tui tơlơi giăng mah hăng dêh čar ieo gah, gru grua mơ̆ng đưm, kiăng ngă hrŏm hlom bom, djop djel, hơđong kơjăp sui thun; pioh tơlơi dong yua lu hloh mơ̆ng ping gah, mơnuih ƀôn sang dêh čar Kur CPP hăng lŏn ia Kur kiăng rơngai, ngă khua pô, rơnuk rơnua, pơdrong sah; tơlơi rô nao rai dua bơnah dêh čar thun blan rơgao mơak hăng mut phung jar kmar hmư̆ hing tui. Dua čô khua hok mơak yua ƀuh, tơlơi jĕ giăm ngă giăng mah thun blan rơgao ăt kơjăp tui; hơmâo brơi khua mua pơprong pơblih čuă jơmư nao rai mơak hăng kơtưn ngă hrŏm hăng dêh čar Lao pơ anăp kiăng ba klâo boh dêh čar kual Đông Dương pơđĭ kyar hơđong, pơgôp hrŏm  tơlơi rơnuk rơnua  mơak amăng kual.