Tui anun, amăng jơnum lok 8, Khul pơ ala mơnuih ƀon sang tơring čar Lâm Đồng tal X hơmâo tŭ yap hră ruah mơnuih apăn bruă hăng ƀing khua mua amăng Khul pơ ala mơnuih ƀon sang hơmâo plĕ hră ruah Kơ-iăng khua Jơnum min mơnuih ƀon sang tơring čartal X rơwang thun 2021-2026. Ơi Võ Ngọc Hiệp, Khua Jơnum min djop djuai ania mơnuih mơnam Việt Nam tơring čar Lâm Đồng arăng ruah đĭ ngă kơ-iăng khua hăng mrô hră plĕ lĕ 54 amăng 55 pok hră.

Mơng thun 2010 truh ră anai, ơi Võ Ngọc Hiệp hơmâo ngă: Khua Jơnum min mơnuih ƀon sang plơi prong Đà Lạt, Khua gơnong bruă sĭ mơdrô tơring čar Lâm Đồng hăng Khua Jơnum min djop djuai ania mơnuih mơnam Việt Nam tơring čar Lâm Đồng. Hrŏm hăng bruă ruah Kơ-iăng Jơnum min mơnuih ƀon sang tơring čar , ƀing khua mua amăng Khul pơ ala mơnuih ƀon sang tơring čar Lâm Đồng ăt tŭ yap hră lăi pơthâo, tơlơi pơtrun kơ bruă brơi pơdơi bruă hăng sa, dua mơnuih apăn bruă tui tơlơi rơkâo mơng ƀing gơñu hăng tui hơdră dưm dăp djơ̆ tơlơi pơkă.