VOV4.Jarai - Ƀơi sang bruă Ping gah, Anom bruă git gai bruă Ping gah kơ wai lăng mơnuih mă bruă sit nik (biên chế) hơmâo pơphun Jơnum lok 2. Ơi Võ Văn Thưởng, Khua anom git gai bruă Ping gah kơ wai lăng mơnuih mă bruă sit nik pơsit, bruă wai lăng mơnuih mă bruă, pơhrŏ trun mrô mơnuih mă bruă sit nik, hăng dưm dăp anih mă bruă jing hơdôm bruă mă prong, yôm, khŏm kiăng gir kơtir kơtang hloh, khŏm kiăo tui Tơlơi pơtrun jơnum Ping gah, biă ñu lĕ Tơlơi pơtrun Jơnum ping gah tal 13.

Tơlơi kiăng, bruă kiăng pơhrŏ trun biên chế khŏm pơlir hăng bruă sem lăng, bruă mă, dưm dăp anom bruă kơnuk kơna, pơplih glăi, pơđĭ tui tơlơi apăn bruă mơng ƀing khua, mơnuih mă bruă; ngă pơgiong bruă dưm dăp mơnuih mă bruă, pơplih prăk blan, pơplih phrâo bruă ngă hră pơ-ar; kah pơpha gưl ngă bruă, tơlơi dưi wai lăng bruă mơnuih mă bruă sit nik, amăng anun pơđĭ tui tơlơi dưi, hăng pơhlôm dưm kơnar, djơ̆ hrŏm amăng bruă wai lăng biên chế ƀơi tơring čar, ƀon prong.

Siu H’Mai: Pơblang