VOV4.Jarai - Mơmŏt lơ 27/3, ƀơi tơdron lăk Đinh Tiên Hoàng Đế, tơring čar Ninh Bình pơphun yôm phăn mông ngă lơphet pioh hơdor glăi 200 thun pơ anăn Ninh Bình hăng 30 thun akŏ pơjing glăi tơring čar. Pơ ala Khua mua Ping gah, Kơnuk kơna, ơi Võ Văn Thưởng, Ding kơna Ding jum kơđi čar, Khua apăn bruă Ping gah pơpŭ, lăng yôm hơdôm boh than mơ̆ Ping gah, gong gai hăng mơnuih ƀon sang tơring čar Ninh Bình dưi ngă amăng hơdôm thun laih rơgao.

Khua apăn bruă Ping gah dêh čar ơi Võ Văn Thưởng

Hơdor glăi 200 thun pơ anăn Ninh Bình hăng 30 thun akŏ pơjing glăi tơring čar lĕ hrơi mông kiăng Ping gah hăng mơnuih ƀon sang tơring čar Ninh Bình lăng glăi thun blan hing ang, lăng anai lĕ anŏ pơtrut pran kơtang, jing bruă mă mơng djop khul grup Ping gah, rĭm čô mơnuih apăn bruă hăng abih bang mơnuih ƀon sang tơring čar Ninh Bình pơ anăp anai; gir run truh thun 2030, Ninh Bình jing tơring čar pơđĭ kyar amăng kual lŏn ia dăo ia krông Hồng. Ơi Võ Văn Thưởng lăi pơtong, Ninh Bình kiăng kơ pok pơhai tŭ yua hloh hơdôm tơlơi dưi mơng tơring čar, biă mă ñu lĕ jing anih pơkuh nao rai kual Kơdư, tong krah hăng Yŭ kơdư, dong tong krah pơtrut pơđĭ kyar bơwih ƀong huă ƀơi Hà Nội - Hải Phòng - Quảng Ninh - Thanh Hoá.

Siu Đoan: Pơblang