VOV4.Jarai-Mơguah lơ 5/9, hok mơak hrom hăng lu mơta hla kơ hiam, bơnga klă hrơi abih bang mơnuih ƀôn sang ba čơđai nao sang hră, nai pơtô hăng čơđai sang hră gưl sa Trung Tự, kuân Đống Đa, Hà Nội hok mơak dưi čơkă Kơ-iăng Khua dêh čar ơi Vũ Đức Đam nao jơnum hrom mơak mut thun hrăm phrâo 2022-2023. Sang hră gưl sa Trung Tự ră anai hơmâo 1.700 čô čơđai sang hră hăng 38 boh anih hrăm amăng anun hơmâo sa boh anih pioh kơ ƀing čơđai ƀu klă drơi jăn, ƀing kaih thâo hluh tơlơi hrăm hră, ƀing čơđai anit drơi….

Kơ-iăng Khua dêh čar ơi Vũ Đức Đam nao jơnum hrom sang hră gưl sa Trung Tự -Hà Nội

 ƀrô mut thun hrăm phrâo

Tơdơi kơ jơnum pok thun hrăm phrâo hăng hyu čuă jơmư sang hră, anih hrăm sang hră gưl sa Trung Tự, Kơ-iăng Khua dêh čar ơi Vũ Đức Đam čang rơmang, hơdră pơtô hrăm mơ̆ng sang hră Trung Tự khom dưi pơhư prong kơ lu sang hră pơkŏn ngă tui; laih dơ̆ng rơkâo khua mua kuân Đống Đa ăt đing nao, ngă gêh găl lu hloh pioh kơ hơdôm sang hră gưl sa amăng kuân pok pơhai ngă tui sang hră mut hrom pioh kơ čơđai ƀu klă drơi jăn.

Nay Jek: Pơblang